CAGAYAN DE ORO CITY – Taas ang moral apan padayong naghangyo’g mga pag-ampo ang delegasyon sa Pilipinas nga kabahin sa Paris Olympics 2024 diin mosugod na sa mga pagdula ang pipila sa 22 ka atleta ning adlawa.
Gihimo ni boxing coach Elmer Pamisa ang apelar nunot sa laing higayon nga kagustuhan ni Tokyo Olympics silver medalist Carlo Paalam nga makakuha’g medalyang bulawan alang sa Pilipinas.
Miingon si Pamisa nga anaa sa maayong kondisyon si Carlo alang sa mga apilan nga mga dula sa maong torneyo.
Apan siya miingon nga mahimong kawang ang ilang paningkamot ug sakripisyo kon kulangon usab ang pagduyog sa suporta sa katawhan alang sa kalampusan sa 22 ka atletang Pinoy sa Olympics.
Hisayrang makahuluganon kini nga pag-apil sa Pilipinas kay nagtakdo usab nga nagsilbi kining ika-gatos ka tuig nga partisipasyon sa maong sikat nga sports competition sa kalibutan.
