CAGAYAN DE ORO CITY- Gihagit karon ni Regional Peace and Order Council o RPOC chairman City Mayor Oscar Moreno ang local govt officials nga ipaduol pa ang batakang serbisyo sa katawhan sa ilang tagsa-tagsa ka gidumala nga lugar.
Komento kini ni Moreno tungod sa pugsanong pagbakwit sa gatusang residente gikan sa upat ka brgy sa Opol,Misamis Oriental gumikan sa presensiya sa rebeldeng New People’s Army o NPA gikan sa Bukidnon.
Miingon si Moreno nga importante alang sa mga opisyal nga batakang serbisyo ang ilang itunol kay aspeto sa seguridad lamang ang kaya nga mahatag sa militar ug kapolisana alang sa katawhan.
Si Moreno nahimo usab nga gobernador sa lalawigan ayha nagsilbing mayor sa dakbayan.
