CAGAYAN DE ORO CITY-Gihupay ni Pres Rodrigo Duterte ang kabalaka sa katawhan kabahin sa posibilidad nga ipaubos sa martial law ang Mindanao.
Si Duterte miingon nga gitu-is lamang sa kontra sa gobierno ang una na niyang pahayag kabahin sa suliran sa kahusay’g kalinaw dinhi sa rehiyon.
Una nang dismayado si Duterte tungod sa wala pagtabang sa pipila ka local officials sa pakigbatok sa terorismo ug insurehensiya sa Mindanao.
Samtang mohatag sa dugang suliran sa katawhan ang ipatuman nga martial law sa Mindanao.
Miingon si Regional Peace and Order Council o RPOC chairman City Mayor Oscar Moreno nga daghan ang paagi aron tubagon ang kagubot sa Mindanao ug dili pinaagi sa Martial Law.
Natagam na ang katawhan sa epekto sa martial law hinungdan angay lamang abagan ang paningkamot ni Pres Rodrigo Duterte.
