CAGAYAN DE ORO CITY- Gimando ni Regional Peace and Order Council o RPOC chairman City Mayor Oscar Moreno nga dili luagan sa kapolisan ug militar ang gipatuman nga seguridad sa rehiyon.
Kini tungod kay bugtong mga otoridad lamang ang makatubag sa tawag sa panginahanglan nga pag-responde ilabina kon anaa sa peligro ang seguridad sa katawhan.
Gihimo ni Moreno ang pag-awhag atol sa pakigpulong niini sa ika-26 ka tuig nga anibersaryo sa PNP diin gisaulog usab sa kapolisan sulod sa Camp Alagar,Brgy Lapasan sa syudad kagahapon sa buntag.
Una nang gitudlo ni Presidente Rodrigo Duterte si Moreno nga panguluhan ang RPOC-10 diin siya nanumpa mismo sa Malakanyang sa maong tahas gisangon kaniya.
