CAGAYAN DE ORO CITY-Miani sa suporta ni Regional Peace and Order Council o RPOC chairman City Mayor Oscar Moreno ang paglig-on ni Pres Rodrigo Duterte sa pagpakigbatok sa illegal mining operations palibot sa nasud.
Kini human unod sa State of the Nation Address ni Pres Duterte nga manubag ang mining companies nga i-responsable sa ilang mga pagmina sa kabukiran diin apektado ang kinaiyahan ug ang katawhan nga nanimuyo niini.
Si Moreno miingon nga gilayong giatubang niini ang maong problema mismo sa pagsugod niya pagserbisyo isip mayor sa syudad sugod tuig 2013.
Samtang daw naghudyaka usab ang Task Force Kalikasan sa direktang pagkontra ni Duterte sa iresponsabli nga mining operations sa nasud.
Miingon si Task Force Kalikasan head ug Cooperative Devt Authority chairman Orlando Ravanera nga nalipay sila nga nakit-an ni Pres Duterte ang tinud-anay nga kahimtang sa kalasangan nga gidaot sa ilegal logging ug pag-mina-mina.
Nagmatood lamang kini nga wala sukad wala sila nagtumo-tumo atubangan sa publiko sa ilang gipanulti kaniadto sa pagkagusbat sa kinaiyahan ug sa epekto nga idulot niini sa katawhan.
