CAGAYAN DE ORO CITY-Gihupay ni Regional Peace and Order Council o RPOC chairman City Mayor Oscar Moreno ang gibati nga kabalaka sa publiko kabahin sa extension sa martial law sa Mindanao.
Kini human unang nagpadayag sa pagsupak ug kabalaka ang pipila ka pundok sa posibleng mga pag-abuso sa katungod sa mga sibilyan sa maong kamanduan.
Miingon si Moreno nga tinood nga naka-apektar sa lakaw sa patigayon ug turismo ang martial law apan pag-abot sa pipila ka bulan,naka-adjust ra ang katawhan ilabina ning syudad.
Si Moreno miingon nga dako na’g kalainan ang mga sundalo ning panahona itandi sa panahon nga unang gipatuman ni kanhi Pres Ferdinand Marcos ang martial law sa nasud sa dekada 70.
