CAGAYAN DE ORO CITY – Nakasakmit sa pinakaunang higayon ang Pilipinas sa medalyang bulawan sukad sa 97 ka tuig nga pag-apil sa Olympics pinaagi ni Pinay weightlifter Hidilyn Diaz sa Tokyo,Japan.
Kini human pildiha ni Diaz ang world record title holder nga si Chinese weightlifter Liao Qiuyun ubos sa 55 kilos nga timbang sa Tokyo International Forum kagabii.
Sa eksklusibong interbyu sa inahan ni Hidilyn nga si Emilita Diaz sa Zamboanga City,walay kasudlan sa ilang kalipay nga nagbunga ang sakripisyo niini samtang nalayo sa pamilya alang sa Olympiada.
Nagpasalamat ang pamilya Diaz sa gobierno ug mga nahimong kaabag ni Hidilyn samtang training aron lamang makahatag sa labing unang gold medal alang sa nasud.
Samtang emosyonal usab ang Philippine Delegation nga atua sa Japan sa kalampusan ni Diaz.
Gibutyag ni Philppine Olympic Delegates chef de mission Mariano “Nonong” Araneta nga nagbunga ang tanang sakripisyo ni Hidilyn kinsa misunod sa unang Pinoy boxer nga nagka-silver medal sa 1964 Olympics nga gihimo kaniadto sa Tokyo.
Hisayrang tungod sa kadaugan ni Diaz isip pinakaunang gold medalist sa Olympics,siya dunay dawaton nga P30 milyon nga cash prize samtang lahi usab ang libreng balay ug yuta isip dugang premyo nga mahatag kaniya.
