CAGAYAN DE ORO CITY – Nagsilbing big winner ang matag-buntag nga ‘Bombo News & Views Morning Edition’ sa Bombo Radyo Cagayan de Oro sa awarding ceremony sa 27th Kapisanan ng mga Broadkaster ng Pilipinas o KBP Golden Awards sa Star Theater,Star City Complex,Pasay City kagabii.
Kini human sentro sa maong newscast ang pagkasapon sa Mindanao Container Terminal sa pagpalusot sa kompanyang Verde Soko Philippines Incorporated sa mga basura gikan sa South Korea sa lungsod sa Tagoloan,Misamis Oriental niadtong Hulyo 2017.
Sa pagtutok sa Bombo Radyo sugod sa pagkabulgar hangtod sa lima ka imbestigasyon sa Sangguniang Panlalawigan ug Kamarabaha,nakasuhan sa korte ang walo ka utok sa pagpalusot sa mga basura nga naglakip sa tulo ka Koryano nga padayong gipangita sa National Bureau of Investigation sa nasud.
Gitutukan usab sa Dept of Justice ang pagsuta kon kinsa sa govt agencies ang manubag sa pagkalusot sa imported garbage tungod sa pakig-kunsabo ngadto sa mga akusado.
Ang pagsilbing 27th KBP GOLDEN DOVE BEST NEWSCAST IN PROVICIAL CATEGORY sa tibuok nasud ang hiniusang trababo ning sibyahan diin gisibya mismo nila ni Bombo Pete Gambe ug Ann Quileste isip regular morning newscasters.
Kining maong kalampusan naghatag sa dugang inspirasyon ug motibasyon aron pagsilbi pa sa katawhan nga sukad kaniadto ug hangtod karon,kusganong nagsuporta sa mga programa,promo ug social responsibility projects sa Bombo Radyo Philippines.Basta Radyo…..BOMBO!!!
