CAGAYAN DE ORO CITY-Mipanaw na sa laing kalibutan tungod sa colon cancer si Regional State Prosecutor Jaime Umpa kagahapong adlawa.
Gibutyag ni acting Chief City Prosecutor Merlynn Uy nga daw nawad-an sila’g amahan tungod sa kalit nga kamatayon ni Umpa sa edad nga 57.
Gibutyag ni Uy nga gitakdang ilubong si Umpa sa iyang hometown sa Lanao del Norte karong adlawa.
Si Umpa ang naila sa iyang patas nga pagtratar sa mga kaso ug higala usab niini ang kadaghanan sa media dinhi sa syudad.
Dugtong niini,anaa sa sobra nga kasub-anan ang mga prosecutor sa rehiyon tungod sa kalit nga kamatayon ni Umpa nga taas nga panahon nga nag-alagad sa katawhan.
