CAGAYAN DE ORO CITY-Ipadangop na lamang sa prosekusyon ang Philippine Drugs Enforcement Agency o PDEA-Northern Mindanao sa korte suprema aron i-apelar ang pagka-acquit sa giilang suspected drug queen ning syudad.
Kini human wala ilha nga ebedensiya ni RTC Branch 41 presiding Judge Joeffrey Acebede ang nakuha sa PDEA gikan kang kanhi Maguing Mayor Johaira Macaduat alyas Marimar dihang nasikop sa operasyon sa Brgy Kauswagan sa Hulyo 2016.
Miingon si Regional State Prosecutor Merlynn Uy nga nagawasnon si Marimar kuyog ang iyang sundalo nga bana ug laing pito ka akusado kay wala masunod sa PDEA ang procedure sa operasyon.
Samtang nanganti usab ang PDEA nga i-apela nila ang kaso sa korte batok grupo ni Marimar nga dunay operasyon sa unom ka rehiyon sa nasud.
