CAGAYAN DE ORO CITY – Nadakpan sa anti-drug bust operation sa City Drug Enforcement Unit sa Cagayan de Oro City Police Office ang aktibong job order o trabahante sa Roads and Traffic Administration o RTA sa Burgos Street, Brgy 7 ning syudad.
Giila ni RTA spokesperson James Andrade ang ilang kaubang dinakpan nga si Charlito Elevera,33 anyos,minyo ug nagpuyo sa Sto.Niño,Brgy Lapasan sa syudad.
Miingon si Andrade nga anaa sa tulo ngadto upat ka tuig na ang pagsilbing job order ni Elevera kinsa gitratar usab sa PNP nga ‘ high value target’ gumikan sa maong kalihukan.
Nakompiskar gikan sa suspek kinsa benepesaryo pa Social Amelioration Program ang sachets sa suspected shabu,marked money ug personal nga kabtangan niini atol sa operasyon.
Si Elevera ang usa lamang sa pipila ka RTA enforcers nga nasapon sa miaging mga operasyon sa PNP ug NBI-10 tungod sa kalambigitan sa shabu distribution sa syudad.
