CAGAYAN DE ORO CITY – Dakpan sa entrapment operation ang usa ka personahe sa Road and Traffic Administration gumikan sa pagpangilkil diha sa may Ipil St. Brgy. Carmen ning syudad. Ang suspek naila nga si Emmanuel Umas-as, 30-anyos, minyo, ug residente sa Zone 3, Barangay Bulua ning siyudad.
Sumala ni Cogon Police Station commander Police Capt. Ernesto Sanchez nga nakadawat sila’g reklamo gikan sa usa ka Herminio Bolaños, 37-anyos, minyo ug residente sa Zone 4, Tambo sa maong barangay human mabiktima sa pagpangilkil sa suspek.
Gipangayoan sa suspek sa P500.00 ang biktima bugti sa traffic violation notice gumikan sa salaod nga NO PARKING FOR MOTORCYCLE.
Nasapon sa akto ang suspetsado nga midawat sa P500.00 nga suhol gikan sa biktima.
