CAGAYAN DE ORO CITY-Gitutukan pa gihapon sa kapolisan ang kaso nga pagpatay kang RTA enforcer Chris Cabinggas ning syudad niadtong petsa 30 sa Disyembre 2016.
Kini bisan nga nasikop na sa grupo ni Cogon Police Station commander C/Insp Harvey Abellanosa ang suspek pagpusil kang Cabingas nga si Mohaimen Macauyag niadtong Oktubre 2017.
Miingon si C/Insp Mardi Hortillosa,tigpamaba sa Cagayan de Oro City Police Office nga kon basehan ang pahayag sa suspek,may lain pang tawo nga nagsugo kaniya aron patyon si Cabingas.
Hinoon,sirado na ang kaso apan wala pa gihapon undangi sa PNP ang pagpangita sa utok sa pagpatay kang Cabingas.
Una usab niini,gihatag na ni City Mayor Oscar Moreno ang saad nga reward money balor 100-mil pesos ngadto sa informant sa kremin mismo sa buhatan ni City Police Director Sr/Supt Roy Bahian ning syudad kagahapong adlawa.
