CAGAYAN DE ORO CITY – Limitado ang mga sakyanan nga makasulod-gawas sa city memorial park panahon sa All Saints ug All Souls Day ning syudad.
Miingon si Roads and Traffic Administration manager Engr Nonito Oclarit Jr nga pinili lang ang pasudlon nga mga sakyanan sa sentro nga bahin sa menteryo aron dili makadugang makaguot sa gamay’ng dalan nga subayon sa mga mangduaw sa nahisgutang mga adlaw.
Siya miingon nga nagtanyag usab sa libreng sakay sa napulo ka motorela ang CLENRO alang sa mga dumuduaw nga senior citizens,PWDs ug mga babayeng nag-mabdos.
Hisayrang gitakdang ipa-aktibo usab sa city hall ang incident management team sa adlaw’ng Huwebes alang sa maong holidays.
