CAGAYAN DE ORO CITY – Nadakpan sa kapolisan ang regular member sa Road and Traffic Administration o RTA nga giingong nangilkil sa motorista nga unang nakasupak sa balaod -trapiko sa dalang Velez sa syudad kagabii.
Kini human unang giakusar sa motorista nga si Rodence Caballero,hingkod ang panuigon nga nagpuyo sa Brgy Camaman-an nga gi-areglo siya sa suspek nga si RTA enforcer Barry Moore Saludares nga taga-Xavier Heights bugti sa pagpagamay sa iyang bayronon sa traffic violation.
Samtang todo-limod ang suspek nga nakadawat siya’g salapi gikan sa biktima.
Namugos kini nga gipadakop siya ni Caballero kay nasuko kaniya tungod sa pag-ticket sa nahimo niya nga violation.
Samtang kasuhan sa kapolisan sa exportion ug illegal posession of firearms ang RTA enforcer nga unang nadakpan sa outpoust diha Recto-Licuan ning syudad.
Kini human unang gireklamo sa motorista nga nangilkil kaniya pinaagi sa pagpabayad sa katunga na lamang sa traffic law violation niini.
Gibutyag ni RTA enforcer Barry Moore Saludares nga mahimong ma-amicable settlement pa ang kasong extortion kon gusto sa biktima apan dili ang pagbato’g armas ni Saludares.
