CAGAYAN DE ORO CITY – Detinado ang Rural Transit Mindanao Incorporated o RTMI bus driver nga si Rappler Nuñez 42anyos,minyo ug taga Brgy Andales,-Initao,Misamis Oriental.
Kini human namatay ang sakop sa Philippine Coast Guard nga sakay sa motorsiklo sa iyang gimanehong bus sa national highway sa Brgy Burnay,Gitagum ning lalawigan kagahapon sa buntag.
Giila ni PRO 10 spokesperson Major Joann Navarro ang biktima nga si Redentor Pueblas ga taga-Dabatian Street,Brgy Carmen ning syudad.
Subay sa spot report sa Gitagum PNP nga posibleng nakatulog ang biktima samtang sakay sa motorsiklo rason nga nasugat niini ang bus nga nag-resulta sa iyang kamatayon.
Nasuta nga posibleng gikan sa Iligan City ang biktima ug pabalik na sa Cagayan de Oro sa dihang nasugat niini ang bus nga dunay biyahe padulong sa Zamboanga.
Gidala pa sa ospital ang biktima apan wala na maluwas sa mga doktor.
