CAGAYAN DE ORO CITY – Wala na kasuhi sa pipila ka samaron nga mga motorista ug pasahero ang driver sa RTMI bus nga midasmag sa walo ka sakyanan ug usa ka balay sa national highway,Zone 1,Brgy Taytay,El Salvador City,Misamis Oriental.
Kini human miuyon ang mga wala na hinanganli nga mga biktima nga makig-amicable settlement sa RTMI mngt tungod sa hitabo.
Miingon si El Salvador City Police Station commander Lt Col Patrick Dalangin nga gawasnon na ang bus driver nga si Filoteo Manatad,56 anyos,minyo nga taga- Poblacion, Aurora,Zamboanga del Sur tungod sa kasabutan.
Nabanggaan sa bus ang maong mga salakyan tungod sa pagkawala sa break samtang padulong dinhi sa syudad gikan sa Iligan City sa miaging adlaw.
