CAGAYAN DE ORO CITY – Gitin-aw sa Bureau of Fire Protection o BFP nga dili hinimoan sa mga rebeldeng New Peoples Army o NPA ang pagkasunog sa RTMI bus nga gimaneho ni Renan Diabordu sa Brgy 7 Malaybalay City Bukidnon.
Gibutyag ni Malaybalay BFP investigator F02 Dave Dalis nga gikan sa maong syudad ang bus ug padulong unta sa Kibawe dihang kalit lamang nga nag-aso ang likod niini nga mi-resulta sa pagkasunog.
Miingon si Dalis nga daling nanganaug ang 13 ka pasahero ug lakip ang driver dihang nabantayan ang kalayo.
Dili pa matumbok ang hinungdan sa maong sunog gumikan kay nagpadayon pa ang ilang imbestigasyon.
