CAGAYAN DE ORO CITY-Samaron apan luwas na ang ubay-ubay’ng mga pasahero nga kabahin sa nakasakay sa RTMI bus diin naaksidente sa diversion road sa Brgy Taytay,El Salvador City,Misamis Oriental.
Gibutyag ni SPO1 Michael Mejia,imbestigador sa El Salvador City Police Office nga mihimo’g pag-overtake ang bus driver nga si Balmucino Delamar hinungdan nawad-an sa preno ug nahulog sa basakan.
Kabahin sa mga samaron sila si Angel Villapa;Helen Grace Sapote;Arturo Villapa;Jovie Abragan ug Rachel Ivy Uban.
Kasuhan sa piskalya ang bus driver kon ugaling intresado ang mga biktima pagpangayo’g damyos perhisyo sa nahitabo kanila.Detinado ang suspek sa kapolisan tungod sa hitabo.
