CAGAYAN DE ORO CITY – Patay ang driver sa RTMI bus ingon man ang nagmaneho sa fish car ug laing tulo ka pasahero sa ngilngig nga bangga sa highway sa Brgy Burnay,Gitagum,Misamis Oriental kaganihang kadlawon.
Sa inisyal nga impormasyon sa Bombo Radyo News Team,dead on the spot ang duha ka driver samtang may tulo usab ka pasahero ang patay tungod sa kakusog sa impact sa hitabo.
Giila ang bus driver nga si Rovel Fantonial Pagasian,38 anyos nga taga Brgy Tambakan,Iligan City ug ang nagmaneho sa fish car mao si Silvino Flores Jr,39 anyos nga gikan sa Zone 4 Kalye Ayala,Zamboanga City.
Miingon si Burnay Brgy Kap Romulo Terado nadala usab sa duha ka provincial district hospitals ang ubang mga pasahero sa bus ug fish car.
Nasuta nga gikan sa bus terminal sa syudad si Pangasian padulong sa Pagadian City samtang ang fish car padulong usab ang fish landing area sa Brgy Bulua.
Sa pagkakaron,padayong mihimo sa imbestigasyon ang mga otoridad kabahin sa hitabo.
Kini ang ikaduhang ngilgig nga aksidente nga natigayon ning tuiga sa westeng bahin sa Misamis Oriental.
