(Update 1) CAGAYAN DE ORO CITY – Gilayong mitubag sa ilang obligasyon ang kompanya sa Rural Transit Mindanao Incorported o RTMI kabahin sa gilambigitan nga disgrasya sa passenger bus ug wing van nga gihimong fish car sa Purok 1,Brgy Burnay,Gitagum,Misamis Oriental kaganihang kadlawon.
Kini subay sa gisulti ni Gitagum Police Station commander Police Maj Dennis Cerilla nga maoy mitutok sa maong hitabo.
Miingon si Cerilla nga gipatuyok na sa RTMI ang ilang mga staff aron kuhaon ang mga detalye sa mga namatay o samaron sa maong bangga.
Una nang giila ang dead on the spot nga drivers sa bus nga si Rovel Pagasian nga taga-Tambakan,Iligan City;fish driver nga si Silvino Flores Jr nga taga-Aurora,Zamboanga del Sur,pasahero nga si Thelma Galleon nga residente usab sa Zamboanga del Sur ug laing duha nga wala pa maila.
Samtang ang mga samaron nga nadala sa nagkadaiyang ospital naglakip kanila ni:Danny Boy Galleon taga- Zambonga del Sur;Herbert Bonggolo taga- Zamboanga City;Adonis Ortiz taga-Pagadian City;Alvin Baldas ug Maria Luz Cabillon nga pulos taga- Prosperidad,Agusan del Norte;Glorio Pulga taga- Claver,Surigao del Norte;Jimmy Delortrico taga-Midsayap,North Cotabato;Marlon Antapin taga-Impasug-ong,Bukidnon;Sherwin James Velez taga-Iligan City;Riden Bagares taga-Apas,Initao,Misamis Oriental;Alberto Damasing taga-Burnay,Gitagum,Misamis Oriental.
