CAGAYAN DE ORO CITY – Dili makahaw-as sa sobrang kapit-os ang gihatag nga usbaw sa Regional Tripartite Wages and Productivity Board o RTWPB 10 alang sa kinitaan sa mga pribadong mamumuo sa rehiyon nga mo-epekto sa Enero 12 ning tuiga.
Kini human unang mihatag sa 23 pesos nga dugang inadlaw nga kinitaan ang ahensiya alang sa mga trabahante nga ubos sa non-agricultural sector ug laing 35 pesos sa wage category no.2.
Miingon si kanhi Associated Labor Unions -Trade Union Congress of the Philippines o ALU-TUCP Northern Mindanao regional vice president ug karon labor consultant Nicanor Borja nga dili kaapas ang maong usbaw sa naghinobrang inflation sa mga palaliton alang sa mga konsumante.
Hisayrang gawas sa maong mga sector,dugang libo ka pesos usab ang gipatuman alang sa domestic workers sa rehiyon.
