CAGAYAN DE ORO CITY – Supak si Cagayan de Oro 2nd District Cong. Rufus Rodriguez nga dili na moagi sa ensaktong pagdungog ang article of impeachment batok kang Vice Pres Sara Duterte.
Kini tungod sa kagustuhan sa Makabayan ug Akbayan nga dalion ang pagdungog sa impeachment complaints batok Duterte aron gilayong masaka sa senado.
Miingon si Rodriguez nga angayang mosubay sa proseso ang reklamo ilabina nga nagtinguha ang complainants nga palagputon sa katungdanan si VP Sara.
Una nang namulong si Cong. Rufus nga subay sa legalidad ug dili sa diktar sa politika kon mobotar na kini sa impeachment case batok sa bise-presidente.
