CAGAYAN DE ORO CITY, Philippines – Kinahanglan ma-amendar sa 19th Congress sa senado ang balaod sa impeachment (rules of impeachment) kung makita sa mga senador ang hinanaling pagtuki sa tolo ka impeachment complaints ni Bise President Sara Duterte.
Sa exclusive interview sa Bombo Radyo, namugos si Senador Koko Pimentel nga tolo ka bulan nga madelay ang pagdungog sa reklamo batok Duterte kay didto pa kini sugdan sa Hunyo.
Aron matuman ang ilang gitakdang iskedyul, karon pa lang gi-awhag ni Pimentel ang iyang kauban sa senado nga mag draft na sa rules of impeachment.
Gitin-aw ni Pimentel nga kung dili mahuman sa kasamtangang kongreso ang pagdungog sa impeachment mahimo gilayon kining tukion sa ika 20 nga congreso sa Senado.
Hisayran nga ang 24 ka senador maoy magsilbing senator judge sa pagdungog sa impeachment ni Duterte ug ang Chief Justice sa Korte Suprema ang muhawid sa tibook hearing.
Sa Mayo nga piliay, 12 ka senador ang mawala ug mare-elect sa senado.
