CAGAYAN DE ORO CITY-Gipanguluhan sa kontrobesyal nga running priest nga si Fr Robert Reyes ang Lakbay Buhay Pilgrimage nga nagsugod dinhi sa syudad ug tapuson didto sa kauluhan.
Katuyuan niini nga ipaabot kang Pres Rodrigo Duterte ang kusganon nga pagsupak sa simbahang Katoliko batok sa subli pagpatuman sa silot-kamatayon sa nasud.
Si Reyes miingon nga trabaho sa simbahan ang pag-agak sa mga tawong nasalaag aron makabalik sa enskatong dalan ug dili kay kini hunusan sa kinabuhi.
Matibawas ang ilang Lakbay Buhay Pilgrimage mismo atubangan sa Kongreso sa Mayo 21 ning tuiga.
Suportado sa simbahang Katoliko ang adbokasiya nga gihingusgan ni Robert Reyes batok sa pagkontra sa subli pagpatuman sa silot- kamatayon sa nasud.
Namahayag si Msgr Elmer Abacahin kinsa kauban usab ni Fr Reyes sa Grupong Gomburza nga haom sa baruganan sa simbahan ang ilang gilusad nga Lakbay Buhay Pilgrimage aron mahayagan ang huna-huna sa mga senador sa isyu sa death penalty.
