CAGAYAN DE ORO CITY, Philippines– Wala na gikakurat ng Estadus Unidos sa gipakanaug nga bag-ong palisiya ni Russian President Vladimir Putin, kalabot sa paggamit sa armas nurcler batok Ukraine.
Gibutyag ni US Pentagon Deputy Press Secretary Sabrina Singh nga dugay nang gipasidaan si Putin nga mugamit sa armas nuclear apan ang pagpirma niya sa deklarasyon sa pag-ubos sa ‘threshold’ sa pagamit sa armas nuclear nagtimaan nga seryoso kini sa tinguha nga bungkahon ang Ukraine.
Hinoon, gitin-aw ni Singh nga wala pay nakitang indikasyon ang Pentagon nga migamit na sa nuclear war head ang Russia aron ipunting sa Kiev City o sa ubang rehiyon sa Ukraine.
Una niini, mipadayag usab sa pagkondinar si British Prime Minister Sir Kier Starmer sa bag-ong kamanduan ni Putin nga mugamit na sa armas nuclear, gawas pa sa iyang paggamit sa mga sundalo gikan sa Pyongyang, North Korea.
