Gi-deklarar sa Russia nga magpatuman sa ceasefire aron hatagan sa higayon ang selebrasyon sa Orthodox Easter.
Kini mismo gi-deklarar ni Russian President Vladimir Putin, diin nagmando sa iyang mga sundalo nga undangon ang pag-atake sugod Abril 11 hangtod sa adlaw sa Domingo, ug gilauman nga mosunod usab ang Ukraine sa panawagan sa ceasefire.
Hisayran nga una nang gi-akusaran ni Ukraine President Volodymyr Zelensky nga wala gidawat sa Russia ang ilang panawagan sa ceasefire alang sa Orthodox Easter.
Mahinumdoman nga niadtong Mayo sa miaging tuig nag-deklarar usab ang Russia sa “unilateral ceasefire” sa ika‑80 anibersaryo sa Soviet victory batok sa Nazi Germany, apan daghang Ukrainians ang nag-duda sa kasaligan sa bag-ong deklarasyon ni Putin tungod kay kasagaran gubaon gihapon sa Moscow ang mga naunang kasabutan. (by Phillip Ariata)
