Lima ka tawo ang patay ug 19 ang nasamdan, lakip ang usa ka 14-anyos nga batang babaye nga kritikal ang kondisyon, human maigo sa drone attack ang merkado sa Nikopol, Dnipropetrovsk region, alas 9:50 sa buntag Sabado.
Ang mga biktima naglakip sa tolo ka babaye ug duha ka lalaki, sumala sa gobernador Oleksandr Ganja.
Sa samang adlaw, lima pa ka tawo ang nasamdan sa drone strike sa Kharkiv, samtang 11 ang nasamdan sa Sumy region tungod sa mga pag-atake sa residential areas ug civilian infrastructure.
Ang Ukrainian air force mitaho nga 286 ka drones ang gipabuto sa Russia kagabii, diin 260 ang na-intercept.
Sa Dnipropetrovsk region, tulo pa ka tawo ang nasamdan lakip ang usa ka 5-month-old nga baby ug usa ka 6-anyos nga bata.
Sa pikas bahin, usa ka missile ug drone attack sa Taganrog, Russia nakapatay og usa ka tawo ug nakasamad sa upat, samtang usa ka foreign cargo ship ang nadaot ug nasunog tungod sa debris.
