Nagpalambo ang United Engine Corporation (UEC) sa Russia, sa bag-ong NK-3 engine alang sa ultra-light space rockets.
Ang NK-3 gidesinyo nga makaproduce ug 4.5 tons thrust gamit ang environment-friendly nga fuel ug adunay thrust vector control system aron mas mapalambo ang trajectory ug accuracy sa rocket.
Ang engine gamiton sa ultra-light carrier rocket nga Voronezh, diin ang first stage mogamit ug 12 NK-3 engines samtang ang second stage usa lang.
Sumala sa Rostec, ang proyekto makatabang sa Russia nga magsugod sa operasyon sa ultra-light rockets ug makapalapad sa merkado sa pag-launch sa gagmay nga satellites.
Daghang bersyon sa engine ang gi-develop, lakip na ang mga modelo nga makapahiangay sa thrust sa daghang direksyon.
Si Mikhail Remizov, deputy general director sa UEC, miingon nga importante kini nga proyekto tungod kay wala pa’y engine o rocket sa maong klase nga naa sa Russia karon, ug makatabang kini sa pagtubo sa industriya sa espasyo sa nasud.
