CAGAYAN DE ORO CITY – Gisugdan na’g han-ay sa liderato sa Police Regional Office 10 ang security implementation plan alang sa pag-obserbar sa semana santa sa Northern Mindanao sa Marso ning tuiga.
Miingon si PRO 10 spokesperson Police Maj. Joann Navarro nga nagkinahanglan sa dako nga puwersa ang maong kalihukan rason nga dunay idugang nila sa mga syudad nga anaa ang pagdagsa sa mga deboto.
Partikular nga gitumbok sa opisyal ang ilado nga pilgrimage sites sama sa Camiguin,Divine Mercy Shrine sa El Salvador ug ubang bahin sa rehiyon.
Siya miingon nga dili sila makatugot nga maigo sa sabotahe ang relihiyosong kalihukan sama sa pagka-bombahi sa santos nga misa sulod sa MSU-Marawi sa miaging Disyembre 2023.
