CAGAYAN DE ORO CITY-Patay sa pagpanunggab ang sabungero gamit ang usa ka tari sa manok diha sa Gaabucayan Extension,Brgy 26 ning syudad.
Giila sa kapolisan ang biktima nga si Benjamin Gabuya,34 anyos,may kaipon ug nagpuyo sa maong lugar.
Sugilon sa kaipon nga si Welma Gabuya nga igo lamang gi-aparta sa biktima ang nag-away nga si Jeboy ug Eking Ulep apan gitabangan na hinoon kini’g dunggab gamit ang tari sa manok.
Gitumbok sa mga testigo nga mismo si Jeboy ang midunggab kang Gabuya sa makaupat ka higayon sa lawas hinungdan nadala sa Northern Mindanao Medical Center.
Nakalahutay pa sa pipila ka oras nga pakigbisog sa iyang mga samad si Gabuya apan hingpit nabugtuan sa kinabuhi paglabay sa pipila ka oras kagahapon sa hapon.
