CAGAYAN DE ORO CITY – Patay ang miyembro sa Special Action Force nga nakabase sa Marawi City human sa shootout batok sa gun for hire group nga naka base sa Brgy. Lilod, Marawi City.
Gikompirmar ni Police Colonel Madzghani Mukaraam, provincial director sa Lanao del Sur PNP ang insidente diin lakip sa napatay ang prime target sa PNP – SAF nga si Abdullah Taurac, 40 anyos, walay trabaho ug residente sa maong dapit.
Gitin-aw ni Mukaraam nga igo ra sila misilbi sa warrant of arrest ang iyang team sa dihang unang nagpabuto ang kampo sa suspek.
Maoy napatay si Police Staff Sgt Reagan Salbino ug dinaliang gidala sa Amay Pakpak Medical Center ang samdan nga si Police Staff Sgt Mohaimen Urandig.
Human sa binayluay sa mga buhing bala, paspas nga nasikop sa mga otoridad ang lima ka sakop gun for hire group.
Narekober sa crime scene ang usa ka kalibre 45 nga armas, granada, laing 40 calibre pistol, ug wala pa masuta nga gidaghanon sa mga pakete sa shabu.
