Nagpakita og dakong kalamposan ang Police Regional Office 10 human nitala ang ilang Safer Cities Initiative og 20.74% nga pagkunhod sa mga nag-unang krimen sa rehiyon sulod sa 103 ka adlaw.
Sumala kang Regional Director PBGEN Christopher N Abrahano, mius-os ngadto sa 432 ang mga kaso gikan sa miaging 545 tungod kini sa hugot nga pagbantay sa kapulisan ug sa kooperasyon sa publiko.
Gawas pa niana, mikabat usab sa 110,741 ka malapason ang nasikop gumikan sa paglapas sa nagkalain-laing lokal nga ordinansa sa rehiyon.
Tungod niining maong mga nindot nga resulta, gipasalig ni Abrahano nga padayon nilang lig-onon ang ilang mga estratehiya aron masiguro ang kahapsay ug kalinaw sa tibuok Northern Mindanao.
