CAGAYAN DE ORO CITY, Philippines – Gikampanya sa Department of Health ang SAFE SEX, ning adlaw sa Valentines! Miingon si DOH Assistant Secretary ug Spokesperson Dr Albert Domingo nga importante nga mapalayo ang panglawas sa tawo sa mga delikado ug mananakod nga sakit dala sa dili luwas nga pakighilawas sama sa Human immunodeficiency virus (HIV) ug Acquired immunodeficiency syndrome (AIDS).
Una nang namahayag ang Philippine National Aids Council nga mas maayong makighinalawas sa kapikas ug likayan ang multiple partners.
Subli nagpadumdum ang ahensya sa ilang ABCDE guidelines alang sa sekswal nga aktibidad nga dili sulod sa kaminyoon sama sa letter A: Abstinence o paglikay sa pagkihilawas ; B: Be mutually faithful o paglikay sa daghang partners, C: Careful sex o husto ug consistent nga paggamit sa condoms; D: Don’t use drugs, ug maghinubog nga makakompromiso sa pagdesisyon; ug ang letrang E: Education, early detection, and treatment.
