CAGAYAN DE ORO CITY – Gipasiguro sa Police Regional Office 10 nga anaa kanunay sa luwas nga kahimtang mga tinun-an ingon man mga magtutudlo nga nagbalik-klase na sa mga publikong tunghaan sa Northern Mindanao epektibo ning adlawa.
Kini ang mensahe ni PRO -10 Regional Director Police Brig Gen Ricardo Layug Jr ngadto sa tanang lower unit commanders nga nakabase sa lima ka probinsya sa rehiyon.
Miingon si Layug nga angayang dili makahigayon ang mga tawong dunay pangutok sa kriminalidad ug sagad mangbiktima sa mga inosenteng mga sibilyan nga naglakip sa kabataan sa mga tunghaan.
Kini ang hinungdan nga gikatag sa Camp Alagar ang mil-500 ka pulis sa nagkadaiyang mga tunghaan sa pagsiguro nga kaalkontrahan ang mga dautang indibidwal nga tuyo mosabotahe sa kaugmaon sa kabatan-unan.
