Pirmado na ni Presidente Ferdinand Marcos Jr., ang Executive Order No. 101, nga nagmando sa full implementation sa Sagip Saka Act (RA 11321).
Tumong sa bag-ong EO ang pagpalambo sa kinabuhi sa mga mag-uuma ug mangingisda sa Pilipinas.
Gimanduan ni Marcos ang tanang national government agencies, LGUs, GOCCs, ug SUCs nga direktang mopalit sa mga produkto sa accredited farmers’ and fisherfolk cooperatives and enterprises (FFCEs) nga wala’y bidding.
Kini mihatag garantiya nga mapalig-on ang lokal nga produksyon ug food security.
Ang maong lakang nagtinguha sa paghatag sa mas taas nga kita sa mga mag-uuma pinaagi sa enterprise development, access sa merkado, ug suporta sa teknikal ug pinansyal.
Gisuportahan kini sa mga programa sama sa Kadiwa sa Pangulo, diin ang mga konsumidor makapalit direkta sa mga lokal nga prodyuser.
