CAGAYAN DE ORO CITY-Kasuhan sa robbery extortion ang taas nga opisyal ug laing kaubang pulis nga nasikop sa entrapment operation sa Iligan City.
Kini human nasikop mismo sulod sa opisina si Sr/Insp Rolando Rigat, hepe sa Iligan City Highway Patrol Team; SPO2 Crisanto Bernando; Mac Harvey Abad ug Sidney Cañete nga civilian auxiliaries kay nangayo’g 3-mil pesos sa nadakpan nga motorista sa maong syudad.
Miingon si Iligan City Police Office Director Sr/Supt Leony Roy Ga nga mibati kini’g kadismaya ug kasuko sa binuhatan sa pipila sa ilang mga kaubang pulis kay nadamay ang kinatibuk-an sa PNP.
Nasikop usab ang mga suspek tungod sa reklamo nga miabot sa Citizen’s Complaint Hotline 8888 ni Presidente Rodrigo Duterte nga nalambigit sila sa kurapsyon.
