CAGAYAN DE ORO CITY-Gipanguluhan sa pipila ka cabinet kauban ang local govt units officials ang pagdumdom sa sakrispisyo sa mga tawo aron malupig ang grupong Maute-ISIS nga tuyo moilog sa Marawi City.
Kini human gihataga’g pag-ila sa gobierno ang sakripisyo sa mga sundalo, kapolisan ug volunteer groups aron mabalik sa katawhan ang Marawi City diin ensaktong usa ka tuig ning adlawa.
Miingon si Autonomous Region in Muslim Mindanao o ARMM 1st Assembleyman Zia Alonto Adiong nga matindog pagbalik ang Marawi City subay sa lima ka gabayan nga gipatuman sa gobierno.
Samtang gilusad sa 4th ID, Philippine Army ang libreng peace concert alayon sa pagdumdom sa unang tuig sa pag-atake sa mga terorista sa Marawi City sa Kiosko Kagawasan sa Divisoria ning syudad.
Miingon si 4th ID civil military operations batallion commanding officer Col Frank Molina nga ang maong konsyerto ang paagi sa paghalad nila sa pagka-bayani sa mga sundalo ug ubang tropa sa gobierno nga nakig-batok sa mga terorista.
Hisayran nga anaa sa 168 ka govt troops ang patay samtang 800 ka sundalo ang samaran sa lima ka bulan nga engkuwentro sa Marawi City.
