CAGAYAN DE ORO CITY – Bangi sa inilugay sa yuta ang gitoohan sa negosyanteng abogado kon nganong posibleng gisunog ang pribadong sakyanan niini sa syudad sa Valencia City,Bukidnon.
Giila ni Lt Col Surki Serenias,hepe sa Valencia City Police Office ang biktima nga si Atty Ruby Bejero,minyo ug nagpuyo sa maong lugar.
Miingon si Serenias nga maglisod sila’g establisar nga hinimuan sa CPP-NPA ang pagkasunog sa sakyanan ilabina nga walay extortion letter nga nadawatan ang biktima.
Mas gihataga’g gimbug-aton sa biktima ang bangi sa yuta diin iyang gigamit isip resort.
Gipasalig ni Serenias nga duol nang masulbad ug maduso ang kaso sa piskalya nunot sa hitabo.
