Bulontaryo nga i-uli ni kanhi DPWH Bulacan 1st District Engineer Henry Alcantara ang tanan ilegal nga salapi nga iyang nabulsa gikan sa flood control corruption scandal sa ilang distrito.
Kini ang gibutyag ni Department of Justice Secretary Jesus Crispin Remulla, human niya dad-a sa DOJ si Alcantara aron mag-file sa iyang petisyon aron mahimong testigo aron mapaubos sa Witness Protection Program (WPP).
Miingon si Remulla nga "willing" si Alcantara nga ibalik ang tanan niyang nakuha nga salapi ug gipakita ang iyang kaandam nga mokooperar sa imbestigasyon.
Una niini, hugot nga gi-awhag ni Remulla ang tanan gusto mahimong testigo sa kaso nga ipatuman ang restitution o pag-uli sa propriedad ug salapi sa gobyerno, kay kini ang gipaninggit sa bagang ihap sa katawhan, ayha ipaubos sa WPP.
