CAGAYAN DE ORO CITY – Gihimuan pa sa dugang imbestigasyon sa kapolisan ang pagka-disgrasya-patay sa ‘salesman’ samtang nakasakay sa motorsiklo sa national highway sa Brgy Tablon ning syudad.
Kini human wala wad-a ang posibilidad nga hayan na side wipe ang biktima nga taga- Tangub City nga si Marvin Maglinte hinungdan sa kamatayon niini.
Miingon si Police Master Sgt Renante Santos,traffic investigator sa COCPO nga kamulo kini nga pangita sa CCTV camera videos gikan sa balay-patigayon sa accident area aron mas moklaro kon nganong na-aksidente ang biktima.
Una nang dead on the spot ang biktima sa dihang na-respondehan sa mga otoridad kaganihang kadlawon.
