CAGAYAN DE ORO CITY-Gikasuhan sa kapolisan sa pagbaligya’g gidiling droga ang sinaligang babaye ni detained kanhi City Vice Mayor Nova Princess Parojinog sa Ozamiz City.
Kini human unang nasikop sa anti-illegal drug buy bust operation ang suspek nga si Charly Jalem,38 anyos,minyo ug nagpuyo sa maong lungsod.
Miingon si Ozamiz City Police Office commander C/Insp Jovie Espenido nasikop usab ang bana ni Charly nga si Jony Jalem kinsa maoy gipaubos sa shabu test buy ayha gilusad ang operasyon.
Kabahin sa gisikop ang bayaw ni Jony nga si Haide Jalem ingon ang kapikas niini nga si Gina Jalem.
Narekober gikan sa mga suspek ang 14 ka sachets sa gitoohang shabu,marked money ug ubang ebedensiya.
Nasayran nga napatay usab sa pagpamusil ang laing duha ka tawo ni Nova Princess sa Mandaue City,Cebu sa miaging gabii.
