CAGAYAN DE ORO CITY-Nasikop sa militar ang giingong “right-hand man” sa notorious Islamic State-Maute Group leader nga si Benito Marahomsar alyas Abu Dar pinaagi sa pursuit operation sa Brgy Lumbac, Binidayan,Lanao del Sur.
Ang suspek naila nga si Sohaylie Mohammad Cader, 22-anyos ug residente sa maong lugar.
Matud ni Lt. Col. Ian Noel Ignes, commander sa 55th IB,Philippine Army nga dako ang ilang pagtoo nga kabahin si Cader sa milusad sa pagpangatake sa Marawi City sa tuig 2017.
Dugang niini nga si Cader usab ang suspek sa pagpusil-patay sa usa ka sundalo sa Binidayan, Lanao del Sur.
Hisayran nga adunay pending nga warrant of arrest ang suspetsado sa korte sa kasong kidnapping ug serious illegal detention with murder.
