Protected Witness na sa Department of Justice ang contractor nga si Sally Santos.
Gikompirmar kini ni Atty. Jonathan Gatchalian, legal counsel ni Santos.
Mahinumduman nga mismo si Santos ang mi-apelar sa Senate Blue Ribbon Committee nga protektahan ang iyang kinabuhi lakip ang iyang pamilya ilabe nga nabutang sa dakung risgo ang iyang kinabuhi sa pagtug-an sa lapad nga pagpangurakot sulod sa Department of Public Works and Highways (DWPH).
Hisayran nga personal nga mibisita si Santos sa DOJ ning adlawa.
Si Sally Santos mao ang tag-iya ug general manager sa SYMS Construction Trading, usa ka contractor nga nalambigit sa kontrobersyal nga mga proyekto sa flood control sa Bulacan.
Siya mitambong sa mga hearing sa Senate Blue Ribbon Committee ug mitug-an nga gigamit ang iyang lisensya sa konstruksyon sa mga proyekto nga wala gyud tinuod nga gihimo—gitawag nga “ghost projects.”
