CAGAYAN DE ORO CITY, Philippines – Trending na sa social media ang episode 545 sa “Fast Talk with Boy Abunda”. Maoy gihinabi sa King of all Media si Sam Milby.
Wala malikayi ang pagka-emosyonal ni Sam dihang unang nahisgutan ang kompirmasyon sa iyang pakigbulag kang 2018 Miss Universe Catriona Gray.
Emosyonal nga gi-angkon sa 40 anyos nga aktor ang kalisdanan nga iyang naagian sa panagbulag nila sa iyang 31 anyos nga hinigugma.
Lakip sa gihatagan katin-awan ni Sam ang paghilak ni Cat sa concert ni TJ Monterde kundiin, nagviral usab ang maong video sa Meta, Youtube, Tiktok, ug sa Instragram.
Miingon ang aktor nga naglisud siyag dool kaniya taliwala sa iyang makalmahon nga hitsura niadtong tungura.
Mitug-an usab kini nga dili siya komportabli sa sitwasyon ilabe nga nakadawat siyag lapad nga pagsaway sa mga netizens.
Gitin-aw sa aktor nga walay third party sa ilang split, ilabe nga mikatag ang report nga ang singer host nga si Moira dela Torre ang usa sa gitumbok sa nagpabuak sa ilang relasyon.
Gitataw ni Sam nga walay labot ni Moira sa ilang pagbulag, apan wala tubaga ang isyu kung nganong nag-unfollow kini sa singer, dungan sa pagbutyag nga dili na sila friends.
Niadtong sayo pa ang karera ni Moi-moi, nadiskobrehan sa publiko nga gipapuyo kini ni Sam sa iyang panimalay sa tuig 2009, dihang nagpangidad kini sa 16 anyos.
Si Sam ug Cat nagka-uyab 2020 ug niadtong Pebrero 2023 na engaged ang duruha, apan natapos ang ilang lima ka tuig nga relasyon sa Pebrero 2025.
Taliwala sa iyang pagka-single gibutyag sa actor nga aduna siyay mga upcoming projects ug laraw nga mubalik sa stage performances.
Gipakita usab niya ang iyang suporta sa mga advocacies ug mga proyekto ni Catriona Gray bisan sa ilang pagkabulag.
