CAGAYAN DE ORO CITY-Gikontra ni San Simon Brgy Kapitan Rodolfo Nacario ang pasangil ni City Mayor Oscar Moreno nga nagpagamit siya sa grupo ni kanhi Mayor Vicente’Dongkoy’ Emano kabahin sa isyu sa basura sa Brgy Pagalungan ning syudad.
Miingon si Nacario nga tingog sa katawhan ang ilang gidala aron mabutyag nga nadaot ang ilang ‘sapa’ tungod sa hugaw gikan sa sanitary landfill sa maong brgy.
Una niini,giakusahan ni Moreno si Nacario nga nagpagamit kang Emano aron dauton ang maayong katuyuan sa sanitary landfill sa Brgy Pagalungan sa dakbayan.
