Nagpadayon ang kusog nga hangin ug grabe nga abog o sand storm sa pipila ka bahin sa Mongolia, sumala sa National Agency for Meteorology and Environmental Monitoring.
Apektado ang mga probinsya sa Gobi sa habagatan ug ang sentral nga mga probinsya.
Ang kusog sa hangin nakaabot og 24 metros matag segundo, base sa ulat sa ahensya.
Gibana bana nga molungtad ang dautang panahon hangtod sa katapusan sa semana.
Gipahimangnoan sa ilang gobyerno ang publiko, ilabi na ang mga nomadic herders ug mga drayber, nga mag-amping batok sa posibleng katalagman.
Naila ang Mongolia adunay harsh continental climate ug kasagaran makasinati og kusog nga hangin, abog nga bagyo ug snowstorm matag tingpamulak.
