Gimando sa Sandiganbayan Third Division ang 90 ka adlaw nga preventive suspension batok kang Senador Rodante Marcoleta tungod sa giatubang niining kasong plunder.
Sa resolusyon nga gipagawas gahapong adlawa, gimando sa anti-graft ang suspensiyon ni Marcoleta nga magsugod sa oras nga madawat niya ang maong resolusyon.
Mahinumdoman nga nagsugod ang kaso sa Senador sa matud pa P75 milyon nga ill-gotten wealth nga wala niini gideklara sa iyang Statement of Contributions and Expenditures (SOCE).
Sumala sa mga pasangil sa maong kaso, nadawat matud pa ni Marcoleta ang maong kantidad gikan sa kanhi kongresista nga si Mike Defensor ug negosyanteng si Aristotle Viray niadtong representante pa kini sa SAGIP Party-list.
Sumala sa Sandiganbayan, otomatikong matapos ang suspensyon paghuman sa 90 ka adlaw ug giklaro niini nga dili maapektuhan sa maong suspensiyon ang mga katungdanan sa senado isip usa ka collegial body. (raniel mahunyag)
