“Bad news”!
Mao kini ang reaksyon ni Atty. Ephraim B. Cortez, presidente sa National Union of Peoples Lawyers (NUPL), human nga giwad-ag sala sa Sandiganbayan Special Third Division sila Chief Presidential Legal Counsel Juan Ponce Enrile, ug ang iyang kanhi chief-of-staff nga si Jessica Gigi Reyes.
Nunot kini sa kalambigitan ni Enrile sa Priority Development Assistance Fund o PDAF nga mugna sa negosyanteng si Janet Lim-Napoles.
Sa milabay’ng adlaw, si Napoles lamang ang naduot sa 15 ka kaso sa graft kalabot sa pagwaldas o “misused of funds” sa balor 172 milyon pesos nga pondo sa pork barrel funds ni Enrile.
Namugos si Cortez, dili kini maayong balita ilabi na sa isyu sa accountability sa gobyerno.
Nagtoo si Cortez nga tataw na kaayo ang mga ebidensya sa misappropriation sa pondo publiko, apan, gi-abswelto gihapon ang mga akusado.
Alang kang Cortez, ang maong desisyon makahatag sa dautang mensahe sa publiko ilabe na nga kamulo pang imbestigar ang kaso sa DPWH Corruption Scandal.
Contributor: James Oliver
