CAGAYAN DE ORO CITY – Gitratar na sa kampo ni City Mayor Rolando ‘Klarex’ Uy nga sirado na ang isyu sa engineered sanitary landfill sa Brgy Pagalungan ning syudad.
Miingon si Janboy Actub,tigpamaba ni Mayor Klarex pinaagi sa katin-awan DENR-EMB 10 sa isyu,gihinaut nila nga dili magamit sa politika ang isyu sa basurahan.
Una nang gipamugos sa kampo ni kanhi City Mayor Oscar Moreno nga napasagdan ang pag-atiman sa mga basura sa dakbayan.
Dugtong niini,gihagit ni CLENRO Manager Engr. Armen Cuenca nga unta ihunong na sa kampo ni Moreno ang paggamit sa ilang opisina alang sa naghinobrang pagpamolitika.
Dumduman nga nangunay pagsulat si Moreno sa kadagkuan sa DENR-Manila aron matutukan sa city government ang giingong walay klaro nga pagdumala sa maong pasilidad diin dagpakan sa tanang mga basura nga makolekta sa kompanyang JOMARA-TENCIL nga tuig nga bayran sa minilyon sa city hall.
Giakusar ni Moreno nga napasagdan ang maong basurahan kay walay kapas ang JOMARA sa pagdumala niini ug kulang usab ang mga salakyan nga gamiton sa paghakot sa mga basura sa dakbayan.
Hisayrang pulos kini gihimakak sa city hall ug namugos nga gi-pamolitika lamang sa kanhi mayor tungod sa iyang personal nga interes.
